En galego
Simple Text en galego
A Asociación de Usuarios de Macintosh de Galicia pon á disposición dos usuarios de Macintosh o procesador de textos Simple Text en galego.
Analizador de textos
Manuel Forcadela deseñou este analizador de textos para Windows. Baixa o descomprimible instalar.exe que se liberará en dous arquivos: ABZ.EXE, o programa en si, e BWCC.DLL, unha biblioteca de enlace dinámico con algunhas rotinas de tipo gráfico que debe estar situada no mesmo directorio que o programa.
Vocabulario de Informática
Winglos 2.1 é un vocabulario galego-castelán-inglés de termos informáticos para Windows. Realizado por Javier Gómez Guinovar e Anxo M. Lorenzo Suárez.
Vocabulario de fauna mariña.
Vocabulario galego-castelán-inglés-latín de fauna mariña para Windows.
Localizador de vilas de Galicia
Manual Casal Lodeiro deseñou esta utilidade para localiza-las vilas de Galicia na WWW. Para Windows utilizando o plug-in de Shockwave para Netscape Navigator.
O xogo do aforcado.
Outra creación de Manuel Casal Lodeiro para Shockwave que permite xogar ó popular "aforcado" na rede.
Os verbos galegos
A súa función fundamental é dar a coñecer a todo o mundo a través da rede a conxugación dos verbos na nosa lingua.
Corrector ortográfico da lingua galega
Ferramenta, de momento só dispoñible para PC, realizada polo Instituto da Lingua Galega e a Dirección Xeral de Política Lingüística.
Correctores e sinónimos para WordPerfect e Word7 e 97
Distribuídos pola empresa luguesa allegue.CB preséntannos sete novos recursos informáticos.
Conjugue 1.0
Presenta dun xeito doado e asequible as conxugacións dos verbos en galego, ademais doutras doce linguas románicas, sexan verbos regulares ou irregulares nas súas distintas variedades, cun grao de fidelidade absoluto. Podemos baixar unha copia ó noso ordenador gratuitamente, aínda que polo momento só está dispoñible na súa versión para Windows.
